Зачленете се во нашиот клуб на читатели и најновите текстови ќе ги добивате на вашата мејл адреса
„Куманово е Македонија во мало и затоа ми e посебно задоволство што ја имам поддршката од вас, го започна својот говор пред кумановчани, кандидатот за претседател на СДСМ Стево Пендаровски, на вечерашниот митинг во Куманово.
„ Со Зоки оваа битка ја почнавме пред 5 години, овде бевме победници, ја добив вашата доверба од сите граѓани од сите етнички заедници со концептот „Едно општество за сите“ и денеска го продолжуваме тој пат „Заедно напред“ и сакаме по победата на парламентарните избори, по победата на локалните избори да добиеме нов претседател кој нема да личи на досегашниот, кој за 8 години уста не отвори за стравичните злоупотреби на тогашниот режим, а во поседните две години правеше само опструкции на секој добар потег на Владата на нашиот евроатлански пат, - рече Пендаровски.
Тој истакна дека по потпишувањето на договорите за соработка со соседите, со внатрешна кохезија и отворени порти кон ЕУ и НАТО, следната година ја смета за година на економски развој и странски инвестиции.
„Триесет години наназад најголем проблем на земјата е економскиот развој и иселувањето на младите генерации. Златни деца изгубивме во овие 10-12 години на владеењето на фамилијата, а со отварање на европските врати имаме голема шанска да создадеме услови и да им дадеме шанса на младите да формираат семејство и својата среќа да ја бараат тука, во својата земја, - додаде Пендаровски.
Тој ги повика граѓаните да не гласаат за другата политичка опција и за противкандидатот Гордана Сиљановска- Давкова, затоа што тоа ќе значи глас за продолжување на мандатот на Ѓорѓи Иванов, а ако гласаат за Христијан Мицковски гласот е даден за Груевски и враќање на режимот.
Пендаровски апелираше до кумановци да не го разочараат и масовно да излезат на 21 април и 5 мај на изборите и да го заокружат бројот 3, да бидат пример за цела држава и со тоа да покажат дека се за европска, демократска и мултиетничка Република Северна Македонија.