Зачленете се во нашиот клуб на читатели и најновите текстови ќе ги добивате на вашата мејл адреса
Денот на победата над фашизмот 9 Мај, Куманово го одбележа пред Споменикот на жена борец на Градскиот плоштад во Куманово.
Делагации од Сојузот на борците, локалната самоуправа , Советот на Општината, училишта, институции, политички партии, невладини организации, здружемнија и граѓани положија цвеќе. Пред присутните се обрати градоначалникот Максим Димитриевски, кој зборуваше за значењето на празникот и борбата на македонскиот народ против фашизмот.
„Верувам дека за граѓаните на Куманово учеството во Втората светка војна борбеноста на нашиот град и нашиот народ е токму столбот на нашата државност и нашата гордост“, - нагласи Димитриевски.
Тој потсети дека во историјата на градот 9 мај ќе остане и вооружениот конфликт во 2015 година, кога 8 полицајци ги положија своите животи.
„Се надевам дека конечно пред лицето на правдата ќе излезат сценаристите, но и режисерите на тој настан. Но, верувам дека токму борбеноста, слогата и издржливоста на нашите граѓани и нашиот народ е столбот на стабилноста на нашиот град и на Република Македонија,- додаде Димитриевски.
Градоначалникот верува дека градот првоборец ќе го продолжи да живее во слога и ќе расте и ќе се развива во модерен и современ град.