Зачленете се во нашиот клуб на читатели и најновите текстови ќе ги добивате на вашата мејл адреса
Стотина пазарџии утринава излегоа на протест и не ги отворија своите тезги на Зелениот пазар во Куманово.
Незадоволни поради новиот Закон за зелени пазари, кумановските пазарџии побараа да се укинат лиценците кои ќе бидат дополнително оптоварување на нивниот скромен буџет.
За дел од нив, како што посочуваат, пазарот е единствена егзистенција и затоа бараат да се одложи или да се повлече законот.
Според новиот закон, секој продавач мора да има лиценца за тезгите, која чини 3600 денари, а за втора тезга, продавачите треба да платат дополнителни 2400 денари.
Пензионерите, социјалците, стечајците и хонорарците, нема да можат да работат на пазар. Лиценците ќе ги издава Стопанската комора на Македонија.
Во Куманово на Зелениот пазар има 712 тезги и продажни места, а на реонските пазари 106 места. Цената на закуп се движи од 15.000 до 42.000 денари на годишно ниво, во зависност од површината и местоположбата на тезгата.
Од почетокот на годината во ЈП „Пазаришта“ нема склучен ни еден договор на закуп на тезга.
(фото-Тв Плус)