500x100-1
02. 03. 2010 17:38

Кумановските стечајци пред Влада

Кумановските стечајци пред Влада

Околу 300 стечајни работници од Куманово со пет автробуси заминаа на протестите пред Влада. Штрајкувачите со своите колеги од другите градови,пеш ќе прошетаат по улицата кон Бит-Пазар и преку мостот Гоце Делчев ќе протестираат пред зградата на Владата.

 -Очекуваме масовни протести.Највено е дека пред Владата ќе има 1500 обесправени работници.Ќе стоиме пред Владата се додека не држат нозете, се додека не се појави Премиерот Груевски и не прими на разговор и конечно најде решение за нас.Воедно сакам да им се извинам на сите оние кои ќе останат, бидејќи не бевме во можност да обезбдиме повеќе автобуси-изјави Лилјана Георгиевска, претседателка на УНИТ.
Работниците кои денска тргнаа кон Скопје, велат дека оваа е последната мерка на која се одлучиле и овој пат се надеваат дека нивниот труд ќе вроди плод.
-Јас веќе 5 години сум стечаец, веќе сите надежи ги изгубив, но треба да се живее некако, вака не оди. Затоа ќе одиме на протести, немаме веќе што да изгубиме -вели еден стечаец од ЗИК.
Доколку, денеска од Владата не наидат на разбирање и никој не ги приме да ги слушне барањата на стечајците, тие најавуваат порадикални чекори.

Кумановските стечајци пред Влада