Зачленете се во нашиот клуб на читатели и најновите текстови ќе ги добивате на вашата мејл адреса
Политичката партија Левица дава подршка на граѓанската иницијатива за организирање протест поради загаденоста на воздухот, на кој ќе се побара од надлежните што побрзо да најдат решение за проблемите со воздухот во Куманово.
- Ги повикуваме сите граѓани на Куманово масовно да излезат на овој мирен протест и да пратат јасна порака до градоначалникот и Советот на Општина Куманово, како и до Владата, дека овој проблем мора под итно да се реши. Членови на Левица ќе учествуваат индивидуално на протестот, а како партија ќе ги искористиме сите демократски и институционални механизми за да извршиме притисок врз локалната власт итно да го спречи загадувањето, - стои во соопштението од партијата.
Од таму додаваат дека Општина Куманово, и годинава руши рекорди во поглед на загаденоста на воздухот во градот, помеѓу другото и затоа што проблемот со загадениот воздух бара да биде третиран преку целата година, смислено и плански, а не само во зимските денови кога проблемот ќе стане актуелен.
Тие ги потсетуваат локалните власти дека во предизборната програма ветувале и тврделе дека ќе обезбедат чиста и здрава вода за пиење и чист воздух, зашто тие се клучни за здравје и за животот.
- Затоа ги советуваме градоначалникот и Советот на Општина Куманово да консултираат експерти во оваа област со цел да предземат итни мерки за да го спречат загадувањето, - предлага Левица.
Зачленете се во нашиот клуб на читатели и најновите текстови ќе ги добивате на вашата мејл адреса
