Ликовна работилница за намалување на предрасудите кон Ромите

Учесниците имаа можност на памучни маици да испишат пораки, цитати, слогани или да сликаат, со кои ќе се влијае на намалување на стереотипите, предрасудите и дискриминацијата.

- Учениците преку уметноста покажуваат на кој начин гледаат на дискриминацијата и предрасудите и како превентивно да се делува за да се подобри мултиетничкиот концепт на живеење. Мене ми особено драго што моите колеги и професорите од основните и средните училишта во Куманово, кои е познат во Европа и во светот како мултиетнички град, допринесуваме за позитивен развој на соживотот, ја испраќаме пораката дека всушност сите негативни појави го оптоваруваат секојдневието и соживотот, а дружењето и комуницирањето, уметноста, натпреварувањето и креативноста, даваат надеж дека имаме иднина и за нас и за новите генерации,- изјави Ашмет Елезовски, директор на НРЦ.

  Кампањата е поддржан од програмата на Советот на Европа, а активностите започнаа на 15 август и ќе трајат до 15 декември 2018 година.На завршниот настан се очекува учество на  над 500 ученици.

Вакви работилници се релизираат во повеќе европски градови, со цел да се испрати порака за намалување на погледите на нетолеранција, дискриминација и расизмот кон Ромите.

 „Ромска Гордост“ е кампања преку која се манифестира еднаквост и достоинство во повеќе земји во Европа, со цел да се поттикнат младите да се борат за својата иднина и да го искористат правота на добро образование, кое ќе им овозможи да го најдат својот пат, да го обликуваат сопствениот живот, без ограничувања наметнати од расизмот.