Зачленете се во нашиот клуб на читатели и најновите текстови ќе ги добивате на вашата мејл адреса
Здружението на граѓани „Коледари“, со поддршка на свештенството од Кумановско-осоговската епархија денеска организираше литија во чест на празникот Свети Никола.
Верниците тргнаа од Соборниот храм Свети Никола и пеејќи црковни песни поминаа низ центарот на градот и завршија на платото пред Центарот за култура „Трајко Прокопиев“.
- Во духот на традицијата Здружението на коледари покрена иницијатива, и со благослов на владиката Јосиф, за првпат организиравме ваква литијата. Се работи за возобновување на традицијата на еден од поголемите празници во градот Свети Никола, кој е семеен празник на голем број наши сограѓани. Затоа дојдовме на идеја да организираме една ваква манифестација и задоволни сме од одзивот на граѓаните, но се надевам дека од година во година бројот ќе биде многу поголем,- изјави Мирослав Доневски, претседател на Здружението Коледари.
Здружението Коледари најавува дека литијата за Свети Никола ќе стане традиционална.
Коледари веќе ги започнаа и подготовките за Бадник, па по тој повод на 22 декември во сабота организираат сечење на бадникови гранчиња во селото Четирце.