Зачленете се во нашиот клуб на читатели и најновите текстови ќе ги добивате на вашата мејл адреса
На градскиот плоштад во Куманово, утре во 18 часот ќе се одржи традиционалниот маскенбал „Батко Ѓорѓија 2018“.
На манифестацијата се очекуваат над 2.000 учесници од градинките, основните и средни училишта и граѓани со индивидуални и групни маски. Редовни гости во ревијалниот дел се ученици од струмичките училишта со маски од Струмичкиот карневал.
„Од 17.30 часот ќе започна дефилето по кумановските улици, а во 18 часот официјалното претставување на маските. Тричлено стручно жири ќе ги оценува маските, по што ќе ги прогласи победниците. Ќе имаме награди за поединечна и групна маска. Ќе следува и богата културно-уметничка програма“, - изјави Нино Величковски, директор на Фондацијата за култура и спорт.
Организаторите ги повикуваат граѓаните масовно да го посетат маскенбалот.
Маскенбалот „Батко Ѓорѓија“ се одржува под покровителство на градоначалникот и Советот на Општина Куманово, а во организација на Фондацијата за култура и спорт.