500x100-1
02. 10. 2010 09:06

Меѓаши бара заштита на децата од политичка злоупотреба

Меѓаши бара заштита на децата од политичка злоупотреба

 Првата детска амбасада во светот Меѓаши бара од политичките партии да не вршат злоупотреба на децата во политички цели, а медиумите да не ги пренесуваат таквите пораки.

Секое емитување на маките и судбините на децата предизвикува голема болка кај нивните најблиски. Тоа исто така претставува и траума за децата кои ги проследуваат овие спотови како гледачи. Тоа е дополнителна виктимизација и стигматизација на децата во медиумите. Медиумите треба да одбиваат емитување платени политички пораки доколку во нив се врши (зло)употреба на децата за политички цели.  Во политичките спотови не смеат да се користат деца за партиски цели„- се вели во соопштението од Меѓаши.

 Првата детска амбасада во светот Меѓаши очекува од сите политички партии да го гарантираат спроведувањето на Конвенцијата за правата на детето и да се залагаат за спречување на кршење на правата на детето. Во Република Македонија се уште не постои соодветна законска регулатива што посериозно би ги заштитила децата од политичката (зло)употреба. Одредбите на Конвенцијата за правата на децата не се доволни.

 Првата детската амбасада во светот Меѓаши упатува апел до сите политички партии да ги поштедат децата од политички злоупотреби.

Вакавата реакција на детската амбасада уследи откако во јавноста беа пласирани спотови на политичка партија каде се прикажуваа слики од деца, болни и починати.