Меѓународна изложба на уметничка фотографија „Фото Салон Куманово 2018“

Изложбата ја организира Фото кино клуб „Козјак“, а учесниците имаа можност да се претстават во пет категории и тоа: портрет, природа, слободна црно – бела, слободна колор и на тема фотожурнализам, која оваа година е посветена на мајсторот на фотографијата Живко Јаневски.

На конкурсот учество земаа 124 автор од 40 земји од светот. На изложбата ќе бидат доделени 69 награди во пет категории, како и главната награда. За најдобар автор на изложбата е прогласен Самир Захировиќ од Босна и Херцеговина. Меѓу наградените се најдоа македонските автори: Сашо Алушевски, Милош Нешковски и Ивана Богдановска.

Бурното време во кое што живееме, целосната дигитализација и брзиот развој на технологијата дозволува фотографите да бидат сведоци на историјата, која се одигрува пред нивните фотоапарати. Затоа Фото Кино Клуб Козјак и годинава ги доби сите признанија од фотографските организации ширум светот. Традиционално ја организира најстарата меѓународната изложба во Македонија, Фото Салон 2018, - соопштуваат организаторите.

Изложбата на уметничка фотографија Фото Салон Куманово започнала да се организира во 1962 година, прво како клупска подоцна како меѓуклупска изложба, односно меѓурепубличка, а во последниве неколку години Фото Салон прерасна во една од најпочитуваните и најпосакуваните изложби меѓу авторите од светот.