500x100-1
11. 02. 2019 11:28

Министерството за култура ќе финансира пет претстави во Кумановскиот театар

Министерството за култура ќе финансира пет претстави во Кумановскиот театар

Пет претстави ќе добијат финансиска поддршка од Министертството за култура со програмата за 2019 година.

Во програмите на националните установи за драмска дејност, на Центарот за култура „Трајко Прокопиев“ одобрени се пари за три претстави на македонски јазик и две на албански јазик.

 Претставата „Магбет“ од Вилијам Шекспир во режија на Андреј Цветановски ќе добие 700.000 денари од бараните 1.41 милион денари.

„Август во Оклахома“, според Трејси Летс во режија на Драгана Таневска наместо 1,1 милион денари ќе добие 500.000 денари.

И претставата „Телефонот на мртовецот“ автор Сара Рул, режија Александар Ивановски, ќе добие 500.000 денари, a побарани се 982.600 денари.

 Претставата на албански јазик „Мандрагола“ - режија Куштрим Бектеши и „39 чекори“ режија Илир Бокши ќе добијат по 900.000 денари, а барале 1.722 милиони денари и 1.525 милиони денари.