Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура „Трајко Прокопиев“, утре во 19 часот ќе одржи мотивациско предавање и промоција на книгата „Што си ти“ од авторката Снежана Билко од Скопје.
„Што си ти“ е интерактивна книга која е посветена за сите кои имаат потреба од промени во животот кон подобро, и на оние кои сакаат да работат на својот личен развој, на својот раст и на своето себеспознание, како и патоказ како човекот да се избори со своите стравови, по длабоките падови кои можат да се случат во животот.
„Оваа моја прва мотивациска книга е создадена и родена само со една и единствена цел, а таа е да помогне на многумина кои се на крстопат, да помогне на многумина кои не умеат да се справат со своите предизвици и контрасти во својот живот, а воедно и да ги мотивира и инспирира. “Што си ти“ ќе ве натера да навлезете подлабоко во себе, во својата суштина и својата цел на своето битисување“, - изјави Билко.
На мотивациското предавање посетителите ќе имаат можност да научат како да го креираат сопствениот живот, како да разберат и сфатат дека самите се креатори, а не набљудувачи на сопствениот живот.