Му го изгорел пасошот на синот за да не оди во Либија

Инцидентот е пријавен во полиција, која извршила увид и работи на расчистување на инцидентот.

Завчера во 15.30 часот, во куќа на улица 427 во Куманово, дошло до расправија  меѓу Момчило С (51) и неговиот син Марјанче С (23) кога синот му соопштил дека има намера да оди на привремена работа во Либија. Кога го слушнал тоа, таткото, кој бил пијан, се разлутил, по што зел една метална прачка и се нафрлил врз Марјанчо. Синот упејал некако да се одбрани, и излегол од собата. Тогаш Момчило го пронашол пасошот на синот и го запалил, па сосе запалениот пасош се упатил кон излезот од куќата. Но додека слегувл по скалите, тој се лизнал и паднал.  Додека се тркалал по скалите, Момчило си ја скршил раката, по што од неговото семејство веднаш бил префрлен во Кумановската болница каде што му била укажана лекарска помош, а случајот бил пријавен и во полицијата.