Зачленете се во нашиот клуб на читатели и најновите текстови ќе ги добивате на вашата мејл адреса
МВР апелира до граѓаните и навивачките групи да навиваат спортски и да не предизвикуваат говор на омраза и насилство, во пресрет на меѓународните фудбалски натпревари во рамките на квалификациите во Лигата на шампиони и Лига Европа, кои ќе се одиграат денеска и утре во Скопје.
При тоа ја известува јавноста дека ќе се преземат низа мерки и активности, како и зајакнати контроли на стадионот „Петар Милошевски“ и на стадионот “Телеком арена“ во Градскиот парк, со цел одржување на јавниот ред и мир.
„Апелираме до граѓаните кои ќе ги проследат натпреварите помеѓу екипите на ФК Шкендија (Македонија) и ТНС (Велс), како и помеѓу екипите на ФК Работнички (Македонија) и ФК Хонвед (Унгарија), да се воздржуваат од дејствија кои го нарушуваат јавниот ред и мир, а со цел да поттикнат насилство и други кривични дела. МВР нема да толерира насилство, нарушување на јавниот ред и мир и други кривични дела во рамки на Законот за спречување на насилство и недостојно однесување на спортски натпревари. Ги повикува сите граѓани, особено навивачките групи на фер и спортско навивање, притоа проследувајќи ги спортските натпревари почитувајќи ги законските регулативи и правата на сите граѓани кои ќе дојдат да ги проследат натпреварите во живо, - соопштуваат од МВР.