Зачленете се во нашиот клуб на читатели и најновите текстови ќе ги добивате на вашата мејл адреса
Во депоа за авто делови во Куманово, полицијата открила 24 возила без документи.
Контролата била изврша завчера во периодот од 08,30 до 16,30 часот, од страна на полициски службеници од СВР Куманово во содејство со Државен пазарен инспекторат, Управа за јавни приходи и Царинската управа, во седум депоа на правни лица на подрачје на Куманово, кои расходуваат моторни возила и се продаваат на делови.
При извршената контрола во три автоотпади откриени се вкупно 24 моторни возила без соодветна документација, при што истите биле одземени. Од страна на Државиот пазарен инспекторат во еден авто сервис откриени биле две возила со македонски регистерски ознаки кои не биле заведени во книга за евиденција во трговија за што бил изготвен записник и потврда за привремено одземени предмети за сторен прекршок по член 28 став 1 а казнив по член 57 став 1 точка 1 од закон за трговија.
Од страна на СВР Куманово ќе се вршат дополнителни проверки за пронајдените моторни возила и ќе бидат поднесени соодветни поднесоци.
(фото-архива кумановоњус)