Зачленете се во нашиот клуб на читатели и најновите текстови ќе ги добивате на вашата мејл адреса
На споменикот Зебрњак, покрај Куманово, вчера се одбележа 106 годишнината од Кумановската битка и големата победа на српската војска против Турците во Првата балканска војна.
Битката се случила на 23 и 24 октомври 1912 година, а победата значела почеток на распаѓање на Отоманската империја.
На присутните им се обрати амбасадорката на Републикa Србијa, Душанка Дивјак Томиќ.
- Народите кои немаат историска меморија и не го почитуваат своето минато, немаат ни своја иднина. Зебрњак е споменик кој опоменува. Не смееме да дозволиме да згасне. Да го чуваме во нашето паметење како траен и достоинствен симбол на нашите заедничко минато,- рече во своето обраќање Дивјак Томиќ.
Венци и свежо цвеќе положија делегации од Македонија и Србија, пратеници, владина делегација, српската амбасадорка, градоначалниците на Куманово и Старо Нагоричане, претставници на боречките организации, политички партии, невладини здруженија и граѓани од двете земји.
Според историски податоци во битката загинале околу 700 српски и 1200 турски војници.
Зачленете се во нашиот клуб на читатели и најновите текстови ќе ги добивате на вашата мејл адреса
