Зачленете се во нашиот клуб на читатели и најновите текстови ќе ги добивате на вашата мејл адреса
Националниот центар на Ромите (НРЦ) од Куманово, по повод Меѓународниот ден на Ромите и 15 години од своето формирање, на францускиот амбасадор Кристијан Тимоние, му додели плакета-благодарница за досегашната соработка.
Во таа пригода, амбасадорот му се заблагодари на претседателот Ашмет Елезовски и на неговата делегација млади активисти. Притоа потсети дека прославата на Меѓународниот ден на Ромите, мора да ја подигне свеста за проблемите на заедницата со цел да се промовира нејзината подобра интеграција во општеството.
Ова, истакна Амбасадорот, исто така значи слободно и транспарентно учество на следните претседателски избори.
Извршниот директор на НРЦ, Ашмет Елезовски нагласи дека за него претставува огромна чест приемот во Резиденцијата на францускиот амбасадор, заблагодарувајќи се за досегашната помош и поддршка од француската Амбасада.