Зачленете се во нашиот клуб на читатели и најновите текстови ќе ги добивате на вашата мејл адреса
„Камените кукли раскажуваат“ и „Двојните цркви во кумановско” од вишиот кустос Анита Трајковска -Ѓорѓиоска и кустосот Валентина Андреиќ од Кумановскиот музеј се документарните филмови кои освоја „Специјална плакета за истражувачка сторија“ и „Плакета за најдобра репортажа“ на 26 Меѓународен фестивал на аматерски документарен филм „Камера 300“ во Битола.
Филмот „Камените кукли раскажуваат” говори за обичаите и традицијата на шопска свадба која години наназад се одвива на локалитетот Куклица, кратовско. Документарниот етнолошки филм ќе остане како трајно сведоштво за постоењето и зачувувањето на традиционалната култура и ќе биде промовиран и пред македонската јавност.
Во филмот „Двојните цркви во кумановско“, се прикажани црквите Свети Спас во Дозвезнце, Света Петка во Младо Нагоричане, Света Параскева во Мургаш, Света Петка во Пезово и двојната црква во Сув Ора, посветена на Свети Никола и Свети Ѓорѓи. Црквите потекнуваат од 16 и 17 век од поствизантиски период, градени во османлискиот период.