Наградени најдобрите бизнис планови

 Најдобрите бизнис планови за Североисточниот регион изработени од посетителите на обуката „Започнување бизнис„ ќе бидат наградени од Претприемачки сервис за млади (ПСМ Фондација). Покрај парична награда како поддршка во реализацијата на планот, најдобрите идни бизнисмени добиваат и консултантска помош од Gestalt Solutions д.о.о. во водењето на бизнисот. За Североисточниот регион вкупниот награден фонд изнесува 2.500 евра.

 Обуката „Започнување бизнис„ е дел од проектот „Намалување на невработеноста и сиромаштијата кај младите преку промоција на претприемништвото и креирање нови бизниси“ што ја реализираше Претприемачки сервис за млади (ПСМ Фондација) со поддршка на Општина Куманово и Gestalt Solutions д.о.о., како локален соработник во мај и јуни годинава.

Промоцијата на наградените ќе се одржи утре во 11.00 часот во Општината, а ќе присуствуваат претставници од Општина Куманово, ПСМ Фондацијата  Скопје, ЛЕР одделение Куманово и  учесниците на обуката.