Неформално образование за земјоделците во Општината

Директорот на училиштето Горан Јовановиќ и советникот од асоцијацијата Јурун Тоунсен, денеска потпишаа договор за реализација на проектот што ќе трае 3 години.

Проектот има предвидено две компоненти: образување на наставници кои ќе ја изведуваат обуката и опремување на училиштето. Опремата е наменета исклучиво за практична настава, а се планира да се донесат животни и земјоделска механизација. Со проектот ќе се создадат услови за практична настава неопходна на учениците, но и за членовите на земјоделските здруженија во општината и пошироко - рече директорот Јовановиќ.

 АСУЦ во Скопје и земјоделското училиште „Киро Бурназ“ се единствени училишта во државата каде вакви обуки. На почетокот ќе се организираат курсеви по: органско производство, управување со ѓубре, користење на мехнизација, управување со фарма и производство на млеко.Тие ќе траат од 30 до 60 часа  и имаат за цел за што пократок период да се оспособат посетителите.

Преку овој проект им се дава можност и на лицата кои поради различни причини го напуштиле образованието да се дообучат и потоа да можат да се усовршат во земјоделската дејност - рече претсавникот на „Норгес Вел“, Јурун Тоунсен

Амбасадорот на Кралството Норвешка Китил Полсен истакна дека целта на проектот е да се создадат партнерски врски меѓу јавниот, приватниот сектор и граѓанското општество.

Градоначалникот Зоран Дамјановски ја поздрави идејата и се заблагодари на претставниците на Кралството Норвешка за несебичната помош и подршка што му ја даваат на градот.