Зачленете се во нашиот клуб на читатели и најновите текстови ќе ги добивате на вашата мејл адреса
Членовите на Здружението на новинарите на Македонија утре ќе бираат ново раководство на редовното изборно собрание закажано за во 10 часот во хала 5 на Скопски саем.
Ќе се изберат нов претседател на ЗНМ, Управен и Надзорен одбор и Совет на честа.
На изборното собрание ќе присуствуваат и членовите од Куманово. За новинарите од регионалните центри, ЗНМ обезбеди бесплатен превоз. Тргнувањето на автобусот е во 8.30 часот од центарот на градот, пред поранешна цвеќара. Сите членови на ЗНМ и оние новинари кои сакаат да гласаат можат да се зачленат пред почетокот на изборното собрание- информираат од Регионалната канцеларија на ЗНМ КУманово.
Новинарите што ќе сакаат да се зачленат в сабота ќе треба со себе да понесат лична карта, потврда за работен однос од медиумот во кој работат, лична биографија, две фотографии и 150 денари за членарина до крајот на годината. Деталите за зачленувањето и кој се' може да биде член може да се добијат на веб-страницата на ЗНМ - www.znm.org.mk.
Официјални кандидати за претседател на ЗНМ се Мира Костиќ од Македонско радио,Насер Селмани од Вест и Назим Рашити ББС.
Регионалниот центар Куманово вчера го посети кандидатот Насер Селмани и ја претстави својата изборна програма пред кумановските новинари.