Зачленете се во нашиот клуб на читатели и најновите текстови ќе ги добивате на вашата мејл адреса
Новинарите од Регионалоаниот центар Куманово, вчера го рагледуваа новиот нацрт-статут на Здружението на новинарите на Македонија. Новинарите од Куманово своите забелешки во однос на изборната регулатива, односно поголема застапеност на новинарите од Регионалните центри во органите и телата на Здружението.
Предлозите и забелешките на новинарите за измените на статутот ќе бидат земени во предвид и додадени во новиот документ на Здружението за да се создадат подобри услови за работа - вели претседателот на ЗНМ Роберт Поповски.
На вториот дел од сесијата, стана збор за кривичните пријави, клевета и навреда кон новинарите. Беше соопштено дека во овој дел има подобрување во корист на новинарите.
Што се однесува до тужбите против новинарите, нашата канцеларија им стои на располагање на новинарите и редакциите и нуди помош за застапување пред судот.Здружението излобира, во иднина новинарот да не одговара кривично за изјавата што ќе ја даде соговорникот - вели Поповски.
Новинарите од локалните средини се соочуваат со проблеми од друг карактер, во однос на колегите од Скопје. Регионалната канцеларија го информира Здружението за сите случувања. .
Локалните новинари како и дописниците се соочуваат со многу нерешени проблеми.Поради тоа денеска ги изнесовме нашите барања и преку наши претставници ќе се потрудиме да ги решаваме. Материјалната страна на новинарите е еден од горливите проблеми. Ние потенциравме дека кај нас има новинари работат за хонорар од 100-150 евра, без пензиско и здравствено осигурување и при тоа нема кој да ги заштити. Се надеваме дека преку заедничко делување ќе можеме да се избориме за да подобриме нашиот статус - вели координаторката Сузана Николиќ.
Како предлог на вчерашната седница беше најавено дека ЗНМ размислува да формира синдикат , кој ќе ги брани социјалните права на новинарите.