Зачленете се во нашиот клуб на читатели и најновите текстови ќе ги добивате на вашата мејл адреса
Обединетата српска заедница во Куманово, вчера во црквата „Свети Ѓорѓи“ во Старо Нагоричане, го одбележа 24. Март – Денот на сеќавање, кога пред 20 години беше бомбардирана Сојузна Република Југославија, од НАТО војската.
Пред присутните говореше претседателот на Обединетата српска заедница, Часлав Јовановиќ.
„На 24. Март пред 20 години започна најголемата трагедија – крвава драма на нашиот народ, српскиот народ. Сведоци сме ние постарите како беше тогаш, а тие страшни слики сеуште живеат во нашето сеќавање. Веруваме дека тоа долго ќе трае и никогаш нема да избледи. Сите млади кои денеска се со нас, родени после тој лудачки НАТО пир, ќе имаат можност од од записи и документарни филмови да се запознаат со што го сторила НАТО алијансата,- рече Јовановиќ.
Тој додаде дека цели 78 денови летеле ракети и бомби со осиромашен ураниум, од кои загинале околу 3.500 луѓе, а предизвикани се трајни последици по здравјето на луѓето од целиот регион поради осиромашениот ураниум.
Потоа следуваше поетски рецитал на учениците од Основното училиште „Светозар Марковиќ“ од Старо Нагоричане.
Зачленете се во нашиот клуб на читатели и најновите текстови ќе ги добивате на вашата мејл адреса
