Зачленете се во нашиот клуб на читатели и најновите текстови ќе ги добивате на вашата мејл адреса
Oд 1. октомври, целосно ќе бидат укинати квотите за лекови на рецепт и пациентите ќе можат лековите во аптека да ги подигнуваат со рецепт и документ за лична идентификација (пасош или лична карта).
На рецептот потребно е да го има името и презимето на пациентот и матичниот број на осигуреникот на кој му е препишан лекот. Доколку осигуреникот не е во состојба да го подигне лекот, тогаш тоа може да го направи некое негово блиско лице со рецептот на кој ќе биде напишан бројот на личната карта на пациентот.
„Со тоа сакаме да постигнеме пациентите да бидат во фокусот на нашиот здравствен систем. Да имаат снабдување со лекови во секој ден од месецот, за да нема повеќе гужви во почетокот на месецот, пациентите да не бидат во паника дека можат да останат без потребните лекови, а ние да ја зајакнеме контролата во издавање на лековите на рецепт. Со ова ќе се реши повеќедеценискиот проблем со снабдувањето со лекови, нема да има потреба секој 1. во месецот да стравуваат дека ќе останат без лекови“,- изјави министерот за здравство Венко Филипче.
Зачленете се во нашиот клуб на читатели и најновите текстови ќе ги добивате на вашата мејл адреса
