Зачленете се во нашиот клуб на читатели и најновите текстови ќе ги добивате на вашата мејл адреса
Во организација на Обединетата српска заедница Куманово, вчера е одбележана 113 годишнината од битката на Челопечка кула.
За историскиот настан зборуваше претседателот на ОСЗ Куманово, Часлав Јовановиќ.
- По неуспешното востание на Србите во кумановскиот и кривопаланечкиот округ во 1878 година, и по крвата пресметка на Турците со востаниците, нивно измачување и свирепи убиства, настапила исклучително тешка состојба на просторот на цела Македонија. Периодот до Првата Балканска војна 1912 година е исполнет со помали, но тешки и крвави борби на српските доброволци против турската војска, - изјави Јовановиќ.
Битката на Чолопечка кула се случила на 29 и 30 април 1905 година. Во неа учествувале 130 а загинале 25 четници и српски доброволци.
Во спомен на загинатите на 25 години од битката подигната е споменик во подножјето на Челопечка кула.
На комеморацијата присуствуваа членови на ОСЗ и Српската странка во Македонија.