Зачленете се во нашиот клуб на читатели и најновите текстови ќе ги добивате на вашата мејл адреса
Членови на Сојузот на борци Куманово, денеска положија цвеќе
пред споменикот во некогашната бавча на Денко Цеков, таткото на Јордан
Цеков Дане, од каде излегле партизаните од Кумановскиот партизански одред,
на 26 јуни 1943 година.
Потоа заминале во Јужноморавскиот одред за да се обучат, и да се вклучат во борбените дејствија. Од оваа бавча излегле 7, а од бавчата на Ангел Тодоровски, таткото на Христијан Тодоровски Карпош излегле 4 партизани, кои го сочинувале јадрото на кумановскиот партизански одред. Се состанале кај денешната населба Карпош и продолжиле понатаму.
Борците, кон крајот на август 1943 година се активирале во Козјачието со борбени, политички дејствија и митинзи.
На одбележувањето на 75 годишнината од излегувањето на Кумановскиот партизански одред, присуствуваа советници, граѓани, членови на Здружението на армиски и полициски ветерани и деца од градинката „Ангел Шајче“.