Зачленете се во нашиот клуб на читатели и најновите текстови ќе ги добивате на вашата мејл адреса
Четириесетиот роднеден на Меѓународната организација на франкофонијата денеска се одбележа во гимназијата “Гоце Делчев“. Програмата по повод јубилејот ја подготвија учениците од основното училиште “Крсте Мисирков“, каде се одвива двојазична настава од прво до четврто одделение и гимназијалците од билингвалната паралелка.
На свеченоста присуствуваа и претсвници од Француската амбасада и Министерството за образование на Република Македонија.
Во македонските училишта одлично се одвива проектот за изучување на францускиот јазик. Учениците имаат солидни познавања за традицијата, историјата и културата на Франција. Во оваа прилика сакам да упатам благодарност до нивните наставници и ментори кои вложија труд и енергија, за да сега ги имаме овие резултати. На овие ученици им даваме подршка, а пред се на тие што ќе покажат особени резултати ги мотивираме со стипендии за продолжување на нивните студии во Франција - истакна Пол Сулигу Аташе за соработка за изучување на францускиот јазик.
Македонија од 2006-та година е рамноправна членка на франкофонската организација. Во скоро сите средни училишта се изучува францускиот јазик, како и во 70 проценти од основните во државата.
Преку национата платформа за франкофонија го следиме проектот за изучување на францускиот јазик и култура. Досега имаме голем број на ученици кои заминуваат на школување во франкофонските држави, но и во соседните Романија и Бугарија, кои нормално имаат повеќе пракса во проектот. Со задоволство можам да кажам дека нашите ученици досега покажале исклучителни резултати не само во основното и средно образование туку и на Универзитетите - вели Марија Николова одговорна за националната платформа за франкофонијата при Министерството за образование.
Министерството за образование на билингвалната паралелка, по повод настанот им подари принтер.
Зачленете се во нашиот клуб на читатели и најновите текстови ќе ги добивате на вашата мејл адреса
