10. 01. 2018 13:11

Одложено судењето за прегазеното дете

Одложено судењето за прегазеното дете

 Во Основниот суд Куманово, денеска повторно се одложи судењето против Бобан Илиќ обвинет за убиството на Алмир Алиу, поради отсуство на двајца обвинети за насилство.

Сами Демири и Абдула Алиу не можеле да дојдат на рочиштето затоа што им се расипал камионот на турско-грчката граница ноќеска по полноќ, па нивниот адвокат се правдаше дека немал време да го извести судот.

На рочиштето од притвор беше донесен обвинетиот Бобан Илиќ, а завршни зборови требаше да даде Обвинителството.

Наредното рочиште е закажано за 23 јануари.

 Бобан Илиќ, е обвинет дека на 25 јуни 2016 година намерно го прегазил Алмир Алиу(4), по претходна банална расправија со неговиот татко во Здравствен дом Куманово.

Таткото на детето Седат Алиу, Сами Демири и Абдула Алиу е поднесено обвинение за сторено кривично дело „насилство“.