Огранок на „Српски вез„ во Старо Нагоричане

Огранокот ќе започне со работа од понеделник, а за претседател е избран Дејан Пешевски.

  „Со играорците ќе работи кореографот на друштвото Марјан Бошковски. Целта на огранокот е зачувување, негување, развивање и промоција на традиционалните и културните вредности на српскиот народ, кој живее на овие простори, како и развивање на мултиетничкиот карактер на нашето општество како врвна демократска вредност,- изјави новиот претседател на друштвото Далибор Китановиќ, кој доаѓа на местото на  починатиот Горан Стојковиќ.

„Српски Вез“ постои повеќе од една година, има около 90 играорци поделени во две групи (мала и возрасна), има сопствен оркестар и солисти, а ќе оформи хор и драмска секција.

  Општината Старо Нагоричане и Куд „Српски Вез“, потпишаа меморандум за соработка и реализација на проектот „Преку традиционалните културни вредности на заедниците до подобар живот на граѓаните на Старо Нагоричане„ подржан од Советот на Европа.