19. 03. 2018 08:10

Охридска банка организира крводарителска акција во Куманово

Охридска банка организира крводарителска акција во Куманово

Под мотото „Дарувај крв, спаси живот“, Охридска банка Сосиете Женерал и Црвен крст организираат крводарителска акција во Куманово.

Акцијата ќе се одржи денеска од 10 до 15 часот во Центарот за култура „Трајко Прокопиев“.

„Ги повикуваме кумановци да бидат хумани и заедно со вработените во Банката и Црвениот крст да помогнат на оние на коишто крвта им е неопходна. Водејќи се од основните постулати на Банката, иновативност, постветеност, тимски дух и одговорност, Охридска банка Сосиете Женерал и понатаму продолжува да делува како општествено-одговорна компанија во различни области од секојдневното живеење“, - соопштуваат организаторите.

Охридска банка акцијата ја организира по повод 10 годишнината од постоењето во Куманово.