Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово започна со реконструкција на фонтаната во паркот пред хотелот Кристал, која ќе стане Олимписка чешма.
Целиот простор ќе биде партерно уреден, а ќе бидат испишани имињата на кумановските олимпијци Аце Русевски, Реџеп Реџеповски и Бранимир Јовановски.
Оваа година Куманово е прогласено за Европски град на спортот во 2019, па во тој дух е и изградбата на Олимписката фонтана, за да се оддаде признание на спортистите кои го прославиле градот низ светот.
Овој потег ќе служи за пример на идните спортски генерации во градот коишто се вложуваат себеси во спортот, да постигнат врвни резултати и вечно да им стои обележјето за нив и за нивните успеси во спортот. Ова ќе биде еден скромен допринос на Општината за заслугите кои постигнаа нашите сограѓани, - изјави градоначалникот Максим Димитриевски.
Градоначалникот не сакаше да откриe како ќе изгледа Олимписката чешма, бидејќи сака да биде изненадување за граѓаните.