×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Општата болница ќе добие „шок терапија„

    17.06.2010 11:48 | KumanovoNews

     На есен ќе започне реконструкцијата на Општа болница во Куманово. Проектот вреден околу 1 милион евра, предвидува  целосно реновирање и осовременување на повеќе одделенија и подобрување на условите и третманот на пациентите, како и за работа на медицинскиот персонал.

    Општата болница ќе добие „шок терапија„

    Во првата фаза, ќе бидат опфатени 5 објекти и тоа:  зградата во која се сместени одделенијата за хирургија, гинекологија, интерно и детско. Потоа објектите каде се наоѓаат ушното и очно одделение, неурологија и психијатрија. Целосно ќе се поправи и старата зграда на инфективно, а ќе се изградата нови објекти за потребите на трансфузиологија и дијализа - вели директорот Ариф Латифи.

    Во Министерството за здравство веќе е завршена тендерската постапка и се очекува почетокот на градежните работи. Овој зафат е дел од првата фаза од проектот за реконструкција на 20 јавни здравствени установи во Македонија за што се предвидени  23 милиони евра од Банката за развој и исто толку од Владата. Вкупната вредност на проектот чини од 130 до 150 милиони евра.

    Освен Општата болница во Куманово, со првата фаза од проектот опфатена е и изградба на нова зграда на Институтот за белодробни заболувања кај децата „Козле“ во Скопје, реконструкција на Специјалната болница за гинекологија и акушерство „Чаир“, поликлините „Идадија“, „Букурешт“ и „Јане Сандански“, општите болници во Прилеп, Велес, Струмица, Гостивар, Охрид, Кочани и во Крива Паланка, Психијатриската болница „Негорци“, Специјалната болница „Јасеново“ и Клиничката болница во Тетово.