Општината доби 280 илјади денари за проекти во ромските населби

Средствата ќе се искористат за изработка на проекти за инфраструктурни проблеми во населбите во кои живеат граѓани од ромската етничка заедница.

 Жителите од населбите Средорек, Бавчи, Стари лозја и Живкова карпа се соочуваат со сериозни инфраструктирни проблеми, пред се улици и канализациона мрежа. Во моментот овие проекти се приритет, бидејќи без нив не може да се аплаицира во министертсвата или кај странски донатори, но не можат да се предвидат  средства во програмата на Општината, - вели советникот Самет Салиевски.

Според Салиевски Општината ќе издвои и 2,5 милиони денари за чистење на речното корито на реката Кумановка.

Пред 10-тина дена министерот без ресор задолжен за имплементација на Стратегијата на Ромите, Ахсел Ахмедовски ја посети населбата „Средорек“ и најави 3,2 милиони денари за изградба на канализациона мрежа и асфалтирање на улиците.