Зачленете се во нашиот клуб на читатели и најновите текстови ќе ги добивате на вашата мејл адреса
Финансиска поддршка за микро, мали и средни претпријатија преку програмата за конкурентност, иновации и претприемништво за 2019 година добија осум фирми од Куманово, од вкупно 87 на ниво на државата.
На листа на субвенционирани по објавен Јавен повик за директно субвенционирање на микро, мали и средни претпријатија и занаетчии, подмерка I се наоѓаат фирмите: ДЕ МАРКО ДООЕЛ од Куманово, АРС ДИЗАЈН ДООЕЛ Куманово и АРИС ДОО Куманово со 300.000 денари, МИДАПЛАСТ ДОО, Куманово - 268.882 денари, СТУДИО МИЛАНОВСКИ ДООЕЛ Куманово - 158.056 денари, ЕЛЕКТРОКУМАНОВО ДОО Куманово - 59.155 денари, ЈИД ШУС ДООЕЛ Куманово - 30.164 денари и ВИА- ШУС ДООЕЛ Куманово, 15.252 денари.
„Тргнувајќи од потребите на стопанствениците, Министерството за економија во континуитет прави напори да го поттикне претприемачкиот дух кај населението и да превземе мерки и активности со цел да ги поддржи малите и средни претпријатија и да го поедностави процесот на формирање на нови претпријатија. Преку Програмата за конкурентност, иновации и претприемништво за 2019 година издвоивме средства во вкупен износ од 21 милион денари“, - изјави министерот Крешник Бектеши.
Рокот за аплицирање за субвенционирање на занетчии и претпријатија водени од жени е продолжен до 30 јуни, а во тек се и други повици кои можат да се пронајдат на http://www.economy.gov.mk/.