500x100-1
16. 04. 2010 13:24

Отворена изложбата на Тони Чатлески

Отворена изложбата на Тони Чатлески

 Во Центарот за култура „Трајко Прокопиев„ синоќа беше отворена изложбата на слики на авторот Тони Чатлески. Посетителите имаа можност да видат триесетина портрети i и пејсажи во масло на платно.

 Мојот начин на гледање на сликарството е во насока на  претставување на човековиот карактер во онаа ситуација во која се наоѓа. Во основа тоа може да се дефинира и како општата наша психолошка состојба во овие 20 години на транзиција. Со самото гледање на овие ликови и фигури се гледа тежината што македонскиот човек што ја преживеал во овие 20 години и се одразува и на психолошката состојба на самите луѓе. Со пејсажот ја гледаме поубавата страна на животот. Јас одам во крајност при сликањето,  од она што ме разочарува и ми создава непријатно чувство, па до тоа што ме релаксира - вели авторот Чатлески.

Изложбата претставува ретроспектива на работата на авторот во изминатите 12 години, а во тек е изработка на нов циклус на слики.

 Изложбата ќе биде отворен до 29 април.

Отворена изложбата на Тони Чатлески