ОУ „11 Октомври“ со хуманитарна акција ја одбележа Неделата на италијанскиот јазик

Манифестацијата беше отворена со рецитирање на детски стихотворби на италијански и македонски јазик, како и со музички настап, од страна на учениците на ова училиште.

Посетителите на овој настан, имаа можност и да дегустираат дел од италијанските специјалитети.

„Секоја година имаме манифестациии со кои ние ги одбележуваме културите на другите држави за странските јазици коишто се изучуваат кај нас. Се труудиме да имаме што е можно повеќе манифестации од ваков тип. Има голема заинтересираност за изучување на овој јазик, затоа што секој јазик е големо богатсво, а тоа го доживуваме како еден голем успех“- рече Маја Ристиќ Кипријановска, наставник по италијански јазик во ОУ „11 Октомври“.

И директорката на основното училиште Елизабета Костиќ, додаде дека вакви манифестации кај нив се одбележуваат традиционално и дека специфичноста на нивното училиште е и во тоа што освен како задолжителен прв јазик кој е англискиот, во ова училиште како задолжителни втори јазици се италијанскиот, германизкиот и францускиот.

На оваа манифестација, во соработка со Црвен крст на Куманово и хуманитарната група „Да бидеме хумани“, беа собрани пакети со тестенини, бисквити и јаболка, коишто се дел од италијанската кујна, а ќе бидат доделени на социјално загрозените семејства од нашиот град.