Петмина повредени во превртен џип на автопатот Куманово-Табановце

 Како што соопшти МВР, сообраќајката се случила вчера по 15 часот, додека џипот управуван од K.K.A.A.(46) од Египет, кој живее во Холандија, се движел од граничниот премин кон Куманово, во еден момент изгубил конторола на возилото, излетал од патот и се превртел на десната страна на коловозот.

По незгодата со возило на Итна медицинска помош возачот и уште четворица сопатници биле пренесени во Кумановската болница каде им е укажана лекарска помош.

Извршен е увид од екипа од Секторот за внатрешни работи Куманово и се работи на целосно расчистување на случајот.

                                           (фото- архива)