Зачленете се во нашиот клуб на читатели и најновите текстови ќе ги добивате на вашата мејл адреса
Новиот претседател на општинскиот комитет на ВМРО-ДПМНЕ Куманово, Бране Петрушевски, до крајот на неделата ќе го промовира новото партиско раководство кое во наредните 4 години ќе го води огранокот.
Петрушевски за Кумановоњус изјави дека ќе има подмладување на партиското раководство, но не сакаше да каже кој ќе биде дел од неговиот тим.
Општинскиот комитет во Куманово брои над 30 членови, 12 ќе добијат места по функција, останатите дваесетина ги бира новиот претседател.
Неофицијално, потпретседатели ќе бидат Филип Филиповски и Тихомир Алексовски, секретар Оливер Цветковски, а членови Дејан Георгиевски, Срѓан Ивановски, Александар Стојановски, Дејан Јовановски, Радован Ристовски, Сузана Кузмановски, Бобан Николовски, Сашо Стошевски и др.
По функција ќе членуваат: Игор Божиновски од извршниот комитет, пратеникот Зоран Ѓорѓиевски, координаторот на советничка група Драган Петковски, претседателката на жени Емилија Трајковска, претседателот на ветерани Драган Јаневски, претседателот на млади Никола Перовиќ и претседатели на 6 месни заедница.
Предлог листата на општинскиот комитет треба да помине на централниот и извршен комитет во Скопје, по што ќе се промовира во јавноста.