Зачленете се во нашиот клуб на читатели и најновите текстови ќе ги добивате на вашата мејл адреса
Републичкиот центар за поддршка на лица со интелектуална попреченост во соработка со „Хендикеп Инетернационал“ и техничка поддршка од амбасадата на САД, денеска одржаа работен состанок со претставници од локалната власт и невладиниот сектор.
„Со процесот на децантрализација сите потреби на лицата со попреченост ќе бидат на локално ниво. Со тоа ќе се создадат можности да ги кажат своите приоритети и заеднички да најдеме начин како тие да бидат реализирани за да се подобри животот на овие лица. Тоа ќе значи подобри услови за живеење без дискриминација, подеднаков пристап до инфраструктурата, информациите и услугите што ги нуди општината за своите граѓани“ - изјави д-р Василка Димоска, менаџер на проектот.
Општината Куманово е една од трите во државата, покрај Охрид и Виница што влегува во овој проект и покажа најголема спремност за соработка. Финалниот производ на локален акционен план ќе има определена временска рамка, по што проектите ќе бидат промовирани во Скопје. Претходно беше потпишан Меморандумот помеѓу општината и здруженијата кои се залагаат за правата на лицата со попреченост, Министерство за труд и социјала и работните организации кои вработуваат лица со попреченост.
Состанокот се одржа во просториите на општинската организација на Црвениот Крст.