Зачленете се во нашиот клуб на читатели и најновите текстови ќе ги добивате на вашата мејл адреса
М.С.(29) командир во полициска станица на Железничкиот граничниот премин „Табановце„ е прераспореден од должноста, поради тоа што учествувал во лов на диво животно.
Мерката му е изречена мината недела по спроведената дисципплинаска постапка поради повреди во работењето, согласно одредбите од Колективниот договор на МВР.
Граничниот полицаец М.С.на 17 јануари годинава бил фатен со уште тројца негови пријатели, додека се враќале од лов во Старо Нагоричане. Во „лада нива„, се возеле О.С. (36), С.З.(36), С.С.(54) и М.С (29) и во багажниот простор била пронајдена убиена срна. Полицијата предходно добила информација за незаконскиот лов, при што со ловочуварска служба од Куманово го запреле возилото на местото викано Драгоманска кривина на регионалниот пат Пелинце-Куманово. Со Законот за лов забрането е ловење на срна и кривично се одговара.