Зачленете се во нашиот клуб на читатели и најновите текстови ќе ги добивате на вашата мејл адреса
Државната изборна комисија(ДИК) го поништи гласањето на гласачкото место Куманово, поради неправилности во гласањето.
На избирачкото место 1075 на Трета МУБ гласале 280 луѓе, а во кутијата имало 281 ливче.
„Направени се обуки кои траеа цел месец, но очигледно не се почитуваат процедурите и не се работи професионално. Апелирам избирачките одбори повеќе да внимаваат“, изјавија до ДИК.
Во Кавадарци е поништено гласање на две избирачки места.
На денешната седница се разгледуваат 14 приговори, сите поднесени од изборниот штаб на Гордана Сиљановска-Давкова. Приговор имало и за избирачко место во Берово каде гласало болно и изнемоштено лице, но не било пријавено на списокот, како и во Боговиње каде 29 гласачки ливчиња биле откинати со дел од кочанот што го содржи серискиот број, но овие приговори беа одбиени.