Зачленете се во нашиот клуб на читатели и најновите текстови ќе ги добивате на вашата мејл адреса
Стечајните работници веќе три недели штрајкуваат со глад. Досега никој од владините институции, ниту пратениците од Куманово не најдоа време да ги посетат и покрај најавите на стечајците дека ќе останат на своите барања и по цена на сопствените животи.
Како пратеник ќе се залагам да го актуелизирам ова прашање за да се најде решение кое ќе биде издржано и ќе го реши проблемот на стечајците. Секое политизирање на проблемот не оди во корист на стечајците, туку ќе биде искористенo само за дневно политички активности, независно дали се работи за позицијата или опозицијата. Најважно е да се најде решение кое трајно ќе го реши проблемот на оваа група на граѓани - изјави пратеникот Петар Поп Арсов.
На прашањето зошто сеуште не ги посетил стечајците Поп Арсов одговори:
Како пратеник поединец, мислам дека нема многу да им помогнам. Моето залагање во институциите на Собранието е можеби најголемата помош што на нив им е потребна. Така да не сакам да бидам лицемер и несакам да ги посетам само колку да се сликам, а потоа ништо да не направам. Јас ќе ги посетам оној момент кога ќе успејам да издејствувам решение или соодветна помош за оваа група на граѓани - рече Поп Арсов.
Зачленете се во нашиот клуб на читатели и најновите текстови ќе ги добивате на вашата мејл адреса
