Зачленете се во нашиот клуб на читатели и најновите текстови ќе ги добивате на вашата мејл адреса
По кој знае кој пат денеска започна чистењето на дивата депонија на влезот во населбата „Перо Чичо“.
Екипи на ЈП „Чистота и зеленило“ со булдужер го изнесуваат натрпаниот смет покрај железничката пруга, а истовремено се расчистува и нечистотијата долж улицата „Ѓорче Петров“. Се уредува и зелениот појас пред влезот на населбата.
- Упатуваме уште еднаш апел до несовесните граѓани да престанат со континуираното создавање на дивата депонија, бидејќи ЈП „Чистота и зеленило“ во близина има поставено садови за смет, кои граѓаните можат да ги користат, - апелираат од претпријатието.
Дивата депонија на влезот од населбата „Перо Чичо“ е еден од најголемите загадувачи на животната средина во Куманово. Покрај тоа што тука се трпа голема колична на смет од која се шири неподнослива миризба и претставува опасност за здравјето на жителите од населбата, таа постојано се пали и чадот го загадува воздухот и ги гуши граѓаните од целиот град.