Зачленете се во нашиот клуб на читатели и најновите текстови ќе ги добивате на вашата мејл адреса
Три куќи и три помошни објекти изгореле во големиот пожар што вчера попладне го зафати м.в. „Ново село“ во атарот на кумановското село Студена Бара.
Пожарот избувнал околу 16 часот и се проширил на 30 хектари сува трева, при што зафатил и една викендичка, две стари куќи, два амбара со над три тона жито, плевна со слама и механизација. Жителите се обиделе да го стават огинот со контрола при што се здобиле со изгореници.
Голема е штетата не успеавме ништо да спасиме. Изгоре кровот и целата покуќнина на горниот кат. Кај девер ми изгоре и сета храна за животните. Се боревме со огнот, но залудно, ветерот го разгоруваше. Огнот ја зафати и електричната мрежа поради што не можевме да ја користиме хидрофорот, туку водата ја вадевме рачно од бунарот - вели Вера Додевска.
Противпожарната едниница од Куманово го гаснела огнот до 1 часот по полноќ, а и денеска сеуште чадеа куќите. Екипи ма СВР Куманово извршила увид на пице место, по што ќе се утврди матерјалната штета.
Според жителите, пожарот го предизвикал еден од соседите, кој откако запалил смет во дворот го исфрлил сеуште недогорениот пепел во сувата трева.