Зачленете се во нашиот клуб на читатели и најновите текстови ќе ги добивате на вашата мејл адреса
Пожарникарот кој во саботата беше тешко повреден при пад од кров на куќа во Куманово, додека гаснел запален оџак, се опоравува на Скопските клиники.
Како што информираат од Територијалната противпожарна единица во Куманово, С.В.(46) е во стабилна здравствена состојба и е контактибилен, но сеуште се наоѓа на интензивна нега. Извршена му е операција на раката на која имал скршеница и има повреди на карлицата.
Несреќата се случила во саботата околу 19.30 часот, додека С.В. со своите колеги гаснел запален оџак на куќа на улицата „Младен Стојановиќ“ во Куманово.
Додека бил на кровот се лизнал, бидејќи биле подмрзати ќерамидите и од висина од 5-6 метри паднал на бетонска подлога.
Веднаш бил пренесен во Ургентниот центар Куманово каде му била укажана лекарска помош, а потоа бил префрелн на комплексот клиники „Мајка Тереза“ во Скопје.
Увид на местото извршила екипа од СВР Куманово и инспектор од Државен инспекторат за труд.
Зачленете се во нашиот клуб на читатели и најновите текстови ќе ги добивате на вашата мејл адреса
