×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Пожарот изгаснат, железничкиот сообраќај нормализиран, информираат надлежните

    13.08.2019 10:22 | KumanovoNews

    Големиот пожар, во кој гореа стари древни прагови, кај Железничката станица во Куманово е изгаснат, соопштуваат од Територијалната противпожарна единица Куманово.

    Пожарот изгаснат, железничкиот сообраќај нормализиран, информираат надлежните

    Пожарот кај нив бил пријавен вчера во 16.55 часот, а во 20.30 часот, бил ставен под контрола за да не се прошири кон соседни објекти. До 03.45 часот по полноќ пожарот е изгаснат, информираат од ТППЕ Куманово.

     Во гаснењето учествувале 10 противпожарни возила и 30 пожарникари од Кумановската противпожарна единица, десетина работници и специјална композиција- цистерна за гаснење на пожари на железницата.

    Од Јавното претпријатие за железничка инфраструктура Железници на Република Северна Македонија – Скопје, утринава информираат дека железничкиот сообраќај е нормализиран.

     „Заради гаснењето на синоќешниот пожар што зафати стари дрвени прагови за пруга кај железничката станица Куманово, од безбедносни причини беше исклучен напонот за електровлеча меѓу железничката станица Куманово и железничката станица Табановце во 17.35 часот“, информира од Железница.

    Според Железници, сообраќајот на возовите меѓу железничката станица Куманово и железничката станица Табановце се одвива редовно за патнички и товарни возови со провлекување на возовите со дизел локомотиви.

    Во големиот пожар биле зафатени стари дрвени прагови наредени во должина од 50 метри и висина од десет метри, кои  железницата  ги скаладирала во близина на станицата.