Зачленете се во нашиот клуб на читатели и најновите текстови ќе ги добивате на вашата мејл адреса
Непозната група, ноќеска во Агино село претепала и ограбила мигранти, кои се движеле низ селото.
Според кажувањето на странците, нападот се случил по полноќ, додека тие oоделе по автопатот Скопје- Куманово. Тогаш наишле на разбојничката група, која ги истепала и им ги одзела парите и мобилните телефони. При тоа на еден од мигрантите му ја скршиле раката, двајца се здобиле со повреди на нозете, а на четвртиот му ја дупнале главата.Кратко потоа несреќните луѓе налетале на полициска патрола, која ги пренела во Кумановската болница. По укажаната помош мигрантите денеска одмараа во џамијата. Ќотек добиле само мажите додека жените и децата не биле цел на нападот.Во џамијата голем број на бегалци пристигнуваа и денеска, а екипи на волонтери и медицински лица им даваа храна и медицинска помош.