×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Презентација на опрема и возила „Заедно за граѓаните“

    07.09.2018 13:42 | KumanovoNews

     На Градскиот плоштад во Куманово денеска се одржа презентација „Заедно за граѓаните“ во која учествуваа претставници на СВР Куманово, Брза помош, Територијалната противпожарна единица (ТППЕ) и Црвен Крст.

    Презентација на опрема и возила „Заедно за граѓаните“

    На презентацијата граѓаните можеа да се запознаат со надлежностите на службите, нивните матерјално-технички средства и меѓусебната поврзаност како институции во заедничко решавање на проблемите на граѓаните.

    Претседателката на Советот на Општина Куманово, Атина Мургашанска, истакна дека денешната смотра е показател колку е значајна поврзаноста и добрата соработка на институциите, заради квалитетни, ефикасни и навремени услуги за секој граѓанин на Општина Куманово.

    - Денеска имаме можност на дело да ја видиме опремата со која располагаат институциите, но и да видиме кои се проектите кои ги реализирале и кои ги планираат во иднина заедно со Советот на Општина Куманово, кој е покровител, организатор и подржувач на вакви иницијативи, со кои ние како власт ќе бидеме поблиску до своите граѓани и ќе дознаеме како секој од нас може да придонесе заеднички да имаме помирно и побезбедно општество, - изјави Мургашанска.

     Виолета Богдановска, началничка на Секторот за превенција, нагласи дека проектот оваа година е посветен на една многу значајна област во која сите сме учесници, а тоа е безбедноста во сообраќајот.

    - Да ја потикнеме граѓанската совест од најмалите до највозрасната категорија на граѓани. Да се почитуваат сообраќајните правила и прописи, законите во однос на безбедноста на сообраќајот, да имаме сообраќајна култура за да не ги чувствуваме последиците со големи матерјални штети, повреди и смртни последици, - изјави Богдановска.

    Командирот на ТППЕ Куманово, Дејан Илиевски, потсети дека покрај за гаснење пожари нивната служба учествува и во спасување на луѓе во сообраќајни несреќи и елемантарни непогоди. Ги повика граѓаните да побараат помош од нив секогаш кога таа им е неопходна.

    На крајот пред присутните беше изведена показна вежба за извлекување на повредени лица во сообраќајна несреќа.

    Презентацијата се организираше по повод  8. Септември- Денот на независноста на Македонија.