×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • При крај изградбата на Хируршкиот ургентен центар во Куманово

    20.11.2018 13:47 | KumanovoNews

    Хируршкиот ургентен центар во општата болница во Куманово, наскоро ќе добие комплетно нов објект, соопшти Министерството за здравство.

    При крај изградбата на Хируршкиот ургентен центар во Куманово

    „Деновиве се привршуваат градежните зафати и објектот наскоро ќе биде пуштен во употреба. Во Општа болница Куманово ќе бидат сместени итната хируршка амбуланта, ортопедска, анестезиолошка амбуланта, компјутерска томографија и ЕХО дијагностика. Од оваа инвестиција придобивка ќе имаат над 30.000 пациенти кои на годишно ниво гравитираат во Ургентниот центар, со посебен акцент на хирургија, урологија и ортопедија“, велат од Министерството за здравство.

    Објектот е изграден од темел, со поддршка од Министерството за здравство и Проектната единица за обнова и реконструкција.

    „Претходно бевме сместени во подрумски простории, често поплавувани, без природно светло. Со новиот простор се добива повеќе од 90 отсто поголем простор со новиот хируршки ургентен центар. Хируршкото одделение е секогаш најударно, и едно од најактивните одделенија каде најчесто доаѓаат итни случаи“, рече д-р Методија Димковски, началник на одделот за хирургија во кумановската болница.

    Според него со новиот простор ќе се обезбеди подобар пристап за пациентите, услугата ќе биде на едно место, и нема да се препраќаат пациентите до рентген дијагностика.

    „За првпат се отвораат и во исто време активно ќе работат пет хируршки сали. Паралелно на условите за третман на пациенти, се унапредуваат и вештините на докторите односно наши колеги од клиниките од разни специјалности континуирано доаѓаат во нашата болница и на тој начин се реализира континуирана едукација. Општата болница Куманово покрива околу 200.000 жители од овој град и околината“, рече д-р Димковски.

    Од сопствени средства на болницата реновиран е просторот во клиничката и биохемиската лабораторија, отворен е нов шалтер, на инфективниот оддел во тек е поставување изолација и варосување на собите и болничките ходници, комплетно е обновена салата за состаноци и архивата, реновирани се дел од собите на акушерското одделение, како и просториите за службата за обезбедување, а обновени се и камерите за видео-надзор во болницата.

    „Предвидени се и нови инвестиции во соработка со Проект ХОУП во гинеколошкото одделение, со обезбедување нова опрема: ЦТГ апарати, колпоскоп, гинеколошки стол, а во соработка со Австрија планирана е донација на кревети за педијатрискиот оддел“, велат од Министерството за здравство.