Зачленете се во нашиот клуб на читатели и најновите текстови ќе ги добивате на вашата мејл адреса
Истражен судија од Основниот суд Куманово му одреди 30 дена притвор на Агим Шабани (23) од Куманово, заради сторено кривично дело насилство. Шабани пред четири дена со својот автомобил бмв со швајцарски регистарски таблички влетал во летната бавча на кафе барот „Клуб„ за да се пресмета со сопственикот.
Од ударот во жардинењерите никој од гостите не бил повреден, освен Шабани кој удрил со главата во шофершајбната. Поради тоа бил пренесен во Кумановската болница.
Шабани во неделата во 4 часот наутро, пијан несакал да си ја плати сметката и се скарал со сопственикот. Револтиран Излегол од угостителскиот објект и по дваесетина минути се вратил со автомобилот. Преку Градскиот плоштад и со голема брзина се упатил кон кафулето.Притоа луѓето кои биле на Плоштадот бегале настрана за да не ги прегази.